SamnaunGuardaUnterengadinKirche UnterengadinTavrü - Landschaft UnterengadinFtan im FrühjahrBain Crotsch im HerbstLavinLü im MünstertalRamosch im UnterengadinSamnaunSamnaunVal Müstair im SommerValchava

Ruments specials, materials da valur, rument da fabrica

Battarias, accus e bavroulas fluorescentas

Battarias, accus e bavroulas fluorescentas piglian incunter ils lös chi vendan ils prodots. Ils cumüns nun han ingüns recipiaints per battarias.

 

Troclas da tola ed alu

Recipiaints per troclas da tola as rechattan aint ils cumüns obain dasper las butias plü grondas. Alu po gnir dat giò al center da ramassamaint pro l'impraisa Crüzer. Ils cumüns nun han simils recipiaints e nun organiseschan neir na ramassamaints specials.

 

Rument da fabrica

Rument da fabrica vain ramassà cunter pajamaint da las impraisas da rumida:

  • Transports Crüzer a Scuol
  • Engiadina Recycling a Zernez
  • Cumün da Samignun
  • Bagger Cello a Zernez
  • UINA SA, Sur En Sent (be asfalt)
  • A. Laurent SA, Ramosch (be asfalt)
  • Sosa Gera SA, Zernez (be asfalt)

 

Ramassamaint verd e lavadüras

Lavadüras our da la gastronomia e da las chasadas ston gnir allontanadas ecologicamaing dal chaschunader confuorm a la ledscha existenta.

Rument vegetals da üerts e parcs, romma, perchas, erba e föglia (cun excepziun da rument da vias e lavadüras) sun eir d'allontanar ecologicamaing e seguond la ledscha. Infuormaziuns in merit dan las administraziuns cumünalas o las interpraisas specialisadas (Crüzer a Scuol).

Materials organics adattats pon gnir cumpostats. La terra da cumpost po gnir dovrada fich bain pel üert. Infuormaziuns per lös cumünaivels da cumpostar pon dar ils singuls cumüns.

 

Medicamaints, culurs, ölis, chemicalias e tössis

Mincha cumün regla ils ramassamaints specials individualmaing. Infuormaziuns pon dar las chanzlias cumünalas. Ün post central da ramassamaint as rechatta pro l'impraisa Crüzer a Scuol (tel. 081 864 15 81).

 

Scumonds

L'allontanamaint da rument chi sta in cuntradicziun culla ledscha vain chastià. Id es impustüt scumandà da:

  • büttar immundizchas e rument süllas vias ed illa natüra.
  • arder rument aint il liber, in pignas e cheminès - fa don a l'ambiaint!
  • büttar immundizchas illa chanalisaziun.
  • depositar immundizchas in recipiaints da terzs (publics) na destinats per quai.

 

Cuntrafacziun a las prescripziuns dals reglamaints sco eir a las disposiziuns executivas e decrets relaschats da la conferenza da presidents vegnan chastiadas cun üna multa fin a fr. 5'000.- intant ch'ellas nu suottastan a la legislatura da la Confederaziun o dal Chantun. Scha'l cuolpabel agischa our d'ingurdia, schi po il maximum da la multa gnir surpassà.