SamnaunGuardaUnterengadinKirche UnterengadinTavrü - Landschaft UnterengadinFtan im FrühjahrBain Crotsch im HerbstLavinLü im MünstertalRamosch im UnterengadinSamnaunSamnaunVal Müstair im SommerValchava

Els/ellas vöglian inscriver ün partenadi?

Daspö ils 01.01.2007 as pon partenaris d'eguals sex as laschar portar aint pro l'uffizi da stadi civil e as collian uschè ad üna vita in cumünanza cun definits drets e agravis.

 

Persunas chi's decidan per quista vita in cumünanza, as volvan al cumün da domicil d'ün dals partenaris pro l'uffizi da stadi civil. La procedura da preparaziun po gnir inchaminada pür cur chi sun accumplidas las premissas fundamentalas, particularmaing cur cha tuots duos spus han accumpli il 18 avel on.

 

Nun es la comunicaziun linguistica cul uffizi da stadi civil pussibla, sto il pêr organisar tant per la procedura da preparaziun sco eir per la registraziun sün agens cuosts üna persuna chi fa las traducziuns bsögnaivlas.

 

Preparaziun

Analog a la copulaziun civila vain manada tras üna procedura preliminara. As annunzchai telefonicamaing pro no, nus as cusgliain gugent e dain spiegaziuns sur da la documainta ch'els han da tour cun els. Il fögl "Merkblatt Eingetragene Partnerschaft " da ulteriuras spiegaziuns. Davo l'inoltraziun dal formular "Gesuch für die Eintragung einer Partnerschaft" e dals palperis persunals vegnan els supplichats d'as preschantar persunalmaing sül uffizi da stadi civil. Els suottascrivan il formular "Erklärung betreffend die Voraussetzungen für die Eintragung einer Partnerschaft". Uossa es la procedura da preparaziun serrada giò.

 

Il plü tard davo 3 mais sto la documentaziun esser executada. Nu n'ha la documentaziun lö pro nos stadi civil, vain consegnà al pêr correspundent ün'autorisaziun. Cun quella po la documentaziun gnir manada tras in minch'uffizi da stadi civil in Svizra.

 

Motivaziun dal partenari

La documentaziun po gnir registrada subit davo cha la procedura preliminara es evasa. Per üna documentaziun cun ceremonia valan concernent lös e uraris las listessas reglas sco pro las copulaziuns civilas. Per la documentaziun nu bsögna, cuntrari a la copulaziun civila, d'ingünas perdüttas. L'uffiziant/a dal stadi civil documentescha la decleranza da partenadi suottascritta dals partenaris/as. Il stadi civil tuna lura "partenari inscrit".

 

Taxas

La procedura da preparaziun sco eir la documentaziun sun suottamissas a taxas.