Dmura d'attempats e da chüra
La dmura d'attempats e da chüra spordscha allogi pels attempats da tuot la regiun. La Pro Engiadina Bassa ha stipulà üna cunvegna da prestaziun per accumplir las incumbenzas legalas sül chomp da la sandà publica e per garantir persistentamaing üna sporta sufficiainta per la chüra e'l fliamaint da paziaints permanents e da persunas attempadas in Engiadina Bassa. Lapro vaina disferenzchà tanter üna soluziun externa (Samignun e Prasas-cher) ed üna soluziun cun ün servezzan da fliamaint integrà illa dmura d'attempats. Ultra da l'incumbenza da chüra e fliamaint vain la dmura incumbenzada da pisserar sco center da cumpetenza correspundent per üna structura protetta per paziaints dements.
Contact
Dmura d'attempats EB
Chasa Puntota
7550 Scuol
Telefon: 081 861 21 00
Fax: 081 861 21 99
Chasa da fliamaint Prasas-chèr, Scuol
La gruppa da chüra Prasas-chèr es üna sporta alternativa d'abitar e da chüra in ün rom pitschen e familiar per persunas chi han dabsögn da chüra. La sporta da localitats e la structuraziun dal minchadi as orientescha davo ils princips da viver a chasa. La gruppa da chüra as rechatta sül plan terrain dad üna chasa da plüssas famiglias cun access direct pro'l üert.
Contact
Center da sandà Engiadina Bassa
gruppa da chüra Prasas-chèr
Prasas-chèr 239
7550 Scuol
Telefon +41 81 860 06 66
Gruppa da chüra Chalamandrin, Samignun
Cul center da seniors "Chalamandrin" pussibilitescha il cumün da Samignun als abitants attempats üna chüra ambulanta in cumün. I'l center da seniors sun integrà sper la gruppa da chüra eir ün local cumünaivel, ün local da devoziun, ot abitaziuns per seniors ed ün lö d'inscunter. La chasa es situada bain central a Samignun Compatsch. In vicinanza as chatta la baselgia, ün cafè, üna fermativa da bus, la posta, la scoula, il bogn e la chasa cumünala. Pro la gruppa da chüra tocca üna terrassa cun üert e plazzas per sezzer.
Contact
Gruppa da chüra "Chalamandrin"
Alpenquellweg 20
CH - 7562 Samnaun-Compatsch
Tel. +41 81 860 23 83
Fax +41 81 860 23 81
pgsamnaun@cseb.ch
Chüra Lischana
La chasa da chüra "Lischana", chi'd es integrada aint il ospidal spordscha cussagliaziuns optimalas da las spartas medicalas, da la chüra e da la fisioterapia. Sper il tour domicil in cumün esa eir pussibel d'avair chüra dal di o da tour ün domicil limità.
Contact
Chasa da Chüra Lischana
Via da l'Ospidal
CH-7550 Scuol
Telefon +41 81 861 10 39
Telefax +41 81 864 99 04
info@cseb.ch
www.cseb.ch
Chasa da chüra Val Müstair
La chasa da chüra Val Müstair es integrada i'l center da sandà Val Müstair e spordscha cussagliaziuns optimalas da las spartas medicalas, da la chüra e da la fisioterapia.
Contact
Chasa da chüra
Helga Adank
manadra da la chasa da chüra
Telefon: 081 851 61 85
Gruppa da chüra Röven, Zernez
La chasa renovada spordscha a partir dal mais favrer allogi a 9 attempats chi douvran in ün o l'oter möd sustegn da chüra. La nouva gruppa da chüra fa part al Center da sandà Engiadina Bassa (CSEB), chi spordscha fingià a Samignun ed a Scuol gruppas da chüra decentralas
Contact
Gruppa da chüra "Röven"
Röven 8
7530 Zernez
Telefon: 081 861 26 80
Fax; 081 861 26 98
Pro Senectute
La Pro Senectute Grischun es il center da cumpetenza in connex cul tema età e gnir vegl. Daspö il 1999 es ella üna fundaziun chantunala independenta. Avant d'eira la Pro Senectute Grischun dürant 80 ons ün comité chantunal da la fundaziun Pro Senectute Svizra. Il böt da la fundaziun es da mantgnair e da promouver il bainstar da las persunas attempadas i'l chantun Grischun. La Pro Senectute Grischun es activa in tuot il Chantun.
Contact
Post da cussegliaziun Grischun dal süd
Suot Plaz 7
7542 Susch
Telefon: 081 864 03 02
ragiundschibel per telefon lündeschdi - venderdi: 9.00 - 12.00h e 14.00 - 17.00h
cussagliaziun tenor cunvegna