Ambiaint

L'ambiaint da la regiun Engiadina Bassa/Val Müstair vain taxà aint sco fich bun. Il böt es da til mantgnair e d'avair ün svilup moderà e persistent. Be uschè po gnir mantgnü il bun nom e be uschè vegnan ils giasts pro nus a giodair nossa cuntrada e nos bun ajer.

Natüra

La cuntrada da la regiun Engiadina Bassa/Val Müstair es, congualà cun otras regiuns, implida cun fich blera natüra e surfatschas ecologicas. I'l interess da l'agricultura e dal turissem es'important da pudair mantgnair a lunga vista quista bellezza regiunala. Per na impedir ün svilup economic, esa da promouver invezza d'üna visiun statica da la cuntrada, d'avair il böt per üna visiun persistenta d'üna fuormaziun reglada o planisada da nossa cuntrada. Uschè vaina impedi cha nossa natüra vegna ütilisada tuot seguond bsögn.

Parc Naziunal Svizzer

La fundaziun dal Parc naziunal svizzer es successa in plüs pass:

  • Il prüm territori d'eira la Val Cluozza seguond ün contrat da l'on 1909.
  • L'on 1914 es gnü fundà il PNS cun ün spazi da 142 km2.
  • Dal 1918 - 1932 e'l gnü ingrondi successivamaing sün 149 km2.
  • L'on 1936 es i a perder la Val Tavrü chi d'eira fin là in ün stadi da protecziun.
  • L'on 2000 es gnü cumplettà il territori culla planüra dals lais da Macun. Quist'exclava es gnüda decisa dal cumün da Lavin.
  • La realisaziun d'ingrondimaint cun üna zona circundanta s'haja miss l'on 2000 ad acta, davo cha'l cumün da Zernez ha vuschà cunter quell'intenziun.
  • L'avegnir dal PNS vain inrichi cull'iniziativa dals cumüns da la Val Müstair da cumplettar il territori sco zona da reservat da biosfera. Il böt es da dvantar insembel culla "Clostra da Müstair" chi'd es fingià suot protecziun da l'UNESCO, üna part d'üna protecziun mundiala da cultura da l'UNESCO. Uschè fuorma il territori dal PNS üna colliaziun tanter la Svizra e'l Parc naziunal dal Stelvio e dvantess uschè ün elemaint central d'ün territori da protecziun internaziunal.
  • Als 31 mai 2008 es gnü inaugurà il nouv Center dal Parc Naziunal Svizzer a Zernez.
  • 2010 ha l'UNESCO recugnuschü il Parc Naziunal sco üna part da la Biosfera. 
     

Contact

Center d'infuormaziun Parc Naziunal Svizzer

Chasa dal Parc

7550 Zernez

Telefon: +41 81 851 41 11

Fax: +41 81 851 41 12

info@nationalpark.ch

http://www.nationalpark.ch

Biosfera Val Müstair

La biosfera Val Müstair es ün parc da natüra regiunal d'importanza naziunala. Insembel cul Parc Naziunal fuorma la biosfera Val Müstair il prüm reservat da biosfera otalpin da l'UNSECO in Svizra. Al cumanzamaint da gün 2010 ha l'UNESCO acceptà l'ingrondimaint dal reservat da biosfera. La "biosfera UNESCO Val Müstair Parc Naziunal" ingrondida exista uossa dad üna vart our dal Parc Naziunal Svizzer culla zona centrala e protetta fich severa, e da l'otra vart our da la zona da chüra e da svilup illa Val Müstair e'l cumün da Scuol. La biosfera Val Müstair Parc Naziunal correspuondess uschea plü o main a las pretaisas da l'UNESCO per ün reservat da biosfera modern.

 

Contact

Center da Biosfera

Chasa cumünala

7532 Tschierv

Telefon: 081 850 09 09

Fax: 081 850 13 13

info@biosfera.ch

www.biosfera.ch

Pro Terra Engiadina

La fundaziun Pro Terra Engiadina es üna plattafuorma pel spazi natüral e cultural da l'Engiadina Bassa e Samignun. Ella s-chaffischa la fundamainta per progets i'ls secturs da la natüra e da la cultura e tilla metta a disposiziun ad interessats cumüns, uffizis chantunals, organisaziuns da la natüra, projetants, al turissem ed a la scienza. In üna banca da datas chis basa sül "GSI" vegnan administrats objects da natüra e cultura chi vegnan eir promovüts. Böt esa da mantegner ed augmantar la valur da quists prezius objects da natüra e da cultura radschunaivel ed a lunga dürada. Quista banca da datas es per la regiun surtuot da valur reguard l'explicaziun da masüras ecologicas sco eir per masüras da cumpensaziun. La fundaziun sviluppa e coordinescha agens progets, sustegna però eir progets da terzs a favur da la natüra, la cuntrada, l'agricultura, il forestal e'l turissem. Pro quai tocca pro eir il procurar ils mezs finanzials, il fabrichar sü pools da perits per la realisaziun sco eir l'ingaschamaint sco portader da projets. La natüra e la cuntrada dessan servir al turissem sco basa per spüertas ecologicas e per l'agroturissem. Las valurs da natüra e cultura dessan portar a la regiun valurisaziun e gnir nüzchats per occurenzas d'educaziun da l'ambiaint per la populaziun, per scoulas ed interessats. I'l cussagl da fundaziun sun rapreschantats tuot ils cumüns. Medemmamaing fan part als cussagl da fundaziun o al consulent ün rapreschantant da Plantahof, dal turissem, dal Parc naziunal Svizzer, dal WWF, la Fundaziun Svizra per la protecziun da la cuntrada, da la Pro Natura, da la staziun ornitologica Sempach e da differents uffizis chantunals. Il fat, cha'ls temas vegnan trattats e portats suravia als differents secturs simplifichescha la realisaziun dals progets per promoziun da natüra, cultura e cuntrada illa regiun.

 

Contact

Fundaziun Pro Terra Engiadina

c/o Arinas Environment AG

Clüs

7530 Zernez

Telefon: 081 856 16 66

Fax: 081 856 19 64

info@arinas.ch

Contact

Regiun Engiadina Bassa/Val Müstair
Chasa du Parc / Bagnera 162
CH–7550 Scuol
Telefon: +41 (0) 81 861 00 00
E-Mail: info@ebvm.ch

Impressum | Datenschutz