Contact

Regiun Engiadina Bassa/Val Müstair
Chasa du Parc / Bagnera 162
CH–7550 Scuol
Telefon: +41 (0) 81 861 00 00
E-Mail: info@ebvm.ch

Impressum | Datenschutz

Adattaziun dal plan directiv chantunal e regiunal i’l sectur trafic sün via, dis-chargia dal trafic Susch

Il plan directiv chantunal dal Grischun sco eir il plan directiv regiunal da la regiun Engiadina Bassa / Val Müstair vegnan adattats i’l sectur trafic sün via (chapitel 6.2). L'adattaziun dal plan directiv ha l’intenziun da fixar l'object 10.TS.04 Dis-chargia dal trafic da Susch.

Ils seguaints documaints dal plan directiv sun exposts publicamaing:

• Extract da la charta chantunala dal plan directiv e glista d'objects chap. 6.2 Trafic sün via
• Adattaziun dal plan directiv regiunal Engiadina Bassa / Val Müstair, chap. 6.2 Trafic sün via
• Explicaziuns davart l'adattaziun dal plan directiv chantunal e regiunal i’l sectur trafic sün via
• Agiuntas: evaluaziun da variantas sviamaint da Susch: rapport dals 15 da december 2023 cun annexa

Cun l'exposiziun publica e cun la consultaziun vegnan garantidas l’infuormaziun e la cooperaziun da la populaziun tenor l'art. 4 da la ledscha federala davart la planisaziun dal territori (LPT) e tenor la legislaziun chantunala davart la planisaziun dal territori (art. 7 OPTGR). Dürant l'exposiziun publica pon tuot las persunas interessadas far objecziuns e propostas in scrit.

Ils documaints sun exposts publicamaing (dürant 30 dis) dals 24 da november 2025 fin ils 23 da december 2025.

Lös d'exposiziun:

Las actas vegnan expostas publicamaing i’ls seguaints lös:

• Uffizi per il svilup dal territori, Ringstrasse 10, 7000 Cuoira
• Regiun Engiadina Bassa / Val Müstair, Chasa du Parc, 7550 Scuol

Illa documainta d'exposiziun as po avair invista dürant las uras da büro localas / las uras d’avertüra dal fanestrigl localas.

Ils documaints d'exposiziun pon eir gnir consultats sülla pagina d'internet da l’uffizi per il svilup dal territori (www.are.gr.ch suot actualitats) sco eir da la regiun (www.regiunebvm.ch).

Propostas ed objecziuns in scrit:

Propostas ed objecziuns in scrit pon la populaziun ed ils circuls interessats inoltrar fin il plü tard ils 23 da december 2025 a l’uffizi per il svilup dal territori, Ringstrasse 10, 7000 Cuoira obain a la regiun Engiadina Bassa / Val Müstair, Chasa du Parc, 7550 Scuol.

Uffizi per il svilup dal territori dal Grischun / Regiun Engiadina Bassa / Val Müstair

Cuoira / Scuol, 22 da november 2025    

Documainta: 

• EBVM_RRIP_Strassenverkehr_Umfahrung Susch
• GR_Susch_V0+_231024
• GR_Susch_V30_231024
• GR_Susch_V31_231024
• GR_Susch_V34_231024
• GR_Susch_V37_231024
• GR_Susch_V38_231024
• KRIP_Umfahrung Susch_Erläuternder Bericht_VP
• KRIP_Umfahrung Susch_Objektliste_VP
• SBer_231215
• SBer_Anhang_231215

ATTENZIUN: NOUVAS URAS D'AVERTÜRA

Mainan Els/Ellas ün’impraisa o ün proget unic illa regiun Engiadina Bassa/Val Müstair? Lura es il mumaint per inoltrar Lur candidatura pel premi d’affar! Il premi es dotà cun frs. 3‘000. Las candidaturas vegnan tuttas incunter fin als 31 december 2025.

NOUV : La distincziun vegn surdat a partir da quist on sco premi d’affar (fin uossa premi d’innovaziun). Aint i’l focus stan dimena in ün möd plü larg affars chi promouvan l’economia regiunala cun contribuziuns multifarias.

Tout las infuormaziuns quia