suppleant/a dal manader da l'uffizi da fallimaint e scussiun EBVM (80-100%)
La Regiun Engiadina Bassa/Val Müstair cun sez a Scuol accumplischa incumbenzas publicas multifarias pels tschinch cumüns da la regiun. Per rinforzar nos team tscherchaina per subit o tenor cunvegna üna persunalità ingaschada e cun sen da respunsabiltà sco
suppleant/a dal manader da l'uffizi da fallimaint e scussiun EBVM (80-100%)
Sco suppleant/suppleanta dal manader da l'uffizi surpiglia El/Ella incumbenzas da respunsabiltà i'ls fat da scussiun e fallimaint tenor las disposiziuns da la ledscha da scussiun e fallimaint sco eir tenor las prescripziuns da l'autorità chantunala da survaglianza. Impustüt toccan pro:
- substituziun dal manader da l'uffizi in cas d'absenza da quel
- Elavuraziun autonoma da proceduras da scussiun e fallimaint
- Realisaziun d'execuziuns d'impegnaziun, d'interrogaziuns e d'acts ufficials
- Elavuraziun da proceduras da cuntinuaziun, da gestiun, d'arrest e da fallimaint
- Elavurar actas d'impegnaziun, plans da collocaziun, attests da perdita ed ulteriuras disposiziuns
- cusgliar a debiturs, crediturs sco eir ad autoritats in dumondas da dret da gestiun e da fallimaint.
Nus Tillas/Tils spordschain
- üna lavur cun gronda respunsabiltà e variaziun cun grond'independenza
- ün'introducziun premurusa tras persunas dal fat cun experienza
- pussibiltats da scolaziun e da perfecziunamaint attractivas
- cundiziuns d'ingaschamaint modernas e salarisaziun confuorma al temp
- üna plazza da lavur attractiva in üna da las plü bellas regiuns dal Grischun
Lö da lavur: Scuol
Infuormaziuns plü detagliadas davart la plazza dà il mainagestiun Arno Kirchen al telefon 081 861 00 00.
Vaina svaglià Seis interess? Lura tramettai Vossa documainta d'annunzcha culla remarcha „Persunal“ fin als 07.08.2026 a la Regiun Engiadina Bassa/Val Müstair, Arno Kirchen, Chasa du Parc, 7550 Scuol o per mail a arno.kirchen@ebvm.ch.