Scussiun e fallimaint
Uffizi da scussiun e fallimaint
Via dals Bogns 161
7550 Scuol
Telefon: 081 861 00 02
A partir da lündeschdi als 9 favrer 2026 es il büro da l’uffizi da scussiun e fallimaint avert mincha mardi da las 09:00 fin las 15:00. Implü eschan ragiundschibels per telefon da lündeschdi fin venderdi da las 08:00 - 11:30 e da las 14:00 - 16:30 suot il nomer +41 81 861 00 02.
L’elavuraziun dals giavüschs as po retardar. No ans dain fadia d’elavurar voss giavüschs uschè svelt sco pussibel. Als crediturs racumandain la correspundenza via CFG (eSchKG).
Sur da nus
L'uffizi da scussiun e fallimaint da la regiun Engiadina Bassa/Val Müstair es respunsabel pels cumüns da l'Engiadina Bassa e la Val Müstair.
Lezchas da l'uffizi da scussiun
L'uffizi da scussiun es respunsabel per tuot la procedura da scussiun. Las lezchas essenzialas sun impustüt il manar tras scussiuns sün pendramaints e concours, sün pegns immobliliars, scussiuns sün prestaziuns da garanzia, scussiuns da cambialas, l'execuziun da pendramaints, retenziuns ed arrests sco eir l'administraziun e l'ütilisaziun da stabilimaints. L'uffizi da scussiun da eir extrats dal register da scussiun e maina il register dals resalvas da proprietà.
Lezchas da l'uffizi da fallimaint
L'uffizi da fallimaint es respunsabel per tuot la procedura da fallimaint. Lapro tocca l'eruir la massa da concours, la definiziun da la procedura, il clom da quints a man d'üna publicaziun, la legalisaziun dals credits dal concours respectivamaing la collocaziun dals crediturs, l'administraziun e l'ütilisaziun da stabilimaints e d'inventars sco eir il scumpart dal rechav.
Autorisaziuns
L'uffizi da scussiun e fallimaint vain manà a partir dals 01.01.2016 da la regiun Engiadina Bassa/Val Müstair. La survaglianza professiunala pel uffizi da scussiun e fallimaint es pro'l güdisch chantunal dal Grischun. L'administraziun professiunala e persunala es pro'l manader d'uffizi.