Lö da scussiun
- Scussiuns da persunas natüralas sun d'inoltrar al lö da domicil
- Persunas giuridicas e societats portadas i'l register da commerzi al lö dal sez
- Persunas avuadadas al lö da domicil pro la curatella professiunala
- Societats chi nu sun portadas i'l register da commerzi al lö da l'administraziun obain al lö da domicil dal president.
- Societats da proprietà d'ün plan là, ingiò chi's rechatta l'immobiglia da cumünanza
- Scussiun sün ütilisaziun d'ün pegn movibel: obain a lö da la roba o al lö da scussiun ordinari dal debitur
- Scussiun sün ütilisaziun d'ün pegn movibel illa procedura da retegn: al lö da la roba, ingiò chi'd es gnü tut sü il register da retegn
- Scussiun sün ütilisaziun d'ün pegn immobiliar: Là ingiò chi's rechatta il pegn imobiliar
- Arrest: Là ingiò chi's rechatta la facultà
- Scussiun da cambialas: Lö da scussiun dal debitur
Dumonda da scussiun per alimaints
A dumondas d'alimaints sun d'agiundscher impustüt las seguaintas indicaziuns:
1. Debitur/a: nom e prenom exact, adressa güsta
2. Creditur/a/: nom, prenom ed adressa
3. Radschun da la pretaisa:
- Legitimà/da da cuosts da mantegnimaint cun nom e prenom, data da naschentscha, cuosts da mantegnimaint pro mais per la persuna, perioda cha'ls cuosts da maintegnimaint pro mais nu sun gnüts pajats
- Quals alimaints nu sun gnüts pajats e quals imprastats
- Basa legala (sentenzcha da separaziun o da divorzi)
Motiv da pretaisa
PeI/la scussiunà/ada sto esser circumscrit sül cumond da pajamaint il motiv da la pretaisa simpel e cler inclegiantaivel.
Implü sto esser indichà:
+ Quint dals......
+ Impraist dals......, pajabel fin als......
+ Fit dals .... Fin .... Per l'abitaziun ......
+ "Indemnisaziun", sainza descripziun precisa
- Quint - Vagl da perdita dals....., sainza indicaziun dal documaint da pretaisa
- Alimaints
Motivaziuns insufficiaintas sto il creditur amegldrar (cunter pajamaint)
Creditur a l'ester
Il scussiunader a l'ester sto tenor artichel 67, alinea 1 cifra 1 da la ledscha federala davart la scussiun ed il concurs (LSC) tscherner ün domicil in Svizra. Quai voul dir ün simil creditur sto determinar ün rimplazzant cun procura in Svizra chi piglia incunter ils documaints da scussiun ed otras comunicaziuns. Cuosts da scussiun sun da pajar antecipà.