La lai
Els vöglian maridar?
Spus, chi 's vöglian laschar copular in Svizra, s'annunzchan al lö da domicil da la spusa o dal spus pro l'uffizi da stadi civil. La procedura da preparaziun po gnir inchaminada pür cur chi sun accumplidas las pretaisas da copulaziun, particularmaing, cur cha tuots duos spus han accumpli il 18 avel on. Nun es la comunicaziun linguistica cul uffizi da stadi civil pussibla, ston ils spus organisar tant per la procedura da preparaziun sco eir pella copulaziun civila sün agens cuosts üna persuna chi fa las traducziuns bsögnaivlas.
Preparaziun
La preparaziun administrativa da la copulaziun as nomna procedura preliminara. As annunzchai telefonicamaing pro no, nus as cusgliain gugent e dain spiegaziun sur da la documainta ch'els han da preschantar. Davo l'inoltraziun dal formular "Gesuch um Veorbereitung der Eheschliessung" e dals palperis da marida persunals vegnan els supplichats d'as preschantar persunalmaing sül uffizi da stadi civil. Els suottascrivan ils formulars "Erklärung betreffend die Voraussetzungen für die Eheschliessung" sco eir "Name und Bürgerrecht nach der Trauung". Sur dal consort da il formular "Merkblatt über die Namensführung bei Eheschliessung" ulteriuras spiegaziuns. Uossa es la procedura preliminara evasa e'l termin da la copulaziun civila po gnir fixà definitivamaing. No als confermain la finischun da la procedura e'l termin per scrit.
Els han uossa amo ün temp da spettar da 10 dis, però il plü tard in 3 mais sto la copulaziun civila esser executada. Nu n'ha la copulaziun lö pro nos stadi civil, vain consegnà als spus ün'autorisaziun da copulaziun. Cun quai po la copulaziun gnir manada tras in minch'uffizi da stadi civil in Svizra. Ha la copulaziun lö a l'ester, sto gnir relaschà eventualmaing ün attest d'abiltà da marida.
Copulaziun civila
Ils spus sco eir las perdüttas ston preschantar üna carta da legitimaziun uffiziala cun fotografia. In nos circul da stadi civil stan a disposiziun 13 locals per copulaziuns.
Da lündeschdi fin venderdi pon els maridar da las 08.00 - 11.00 e da las 13.45 - 16.00. Al sez d'uffizi sun copulaziuns e documentaziuns pussiblas eir üna sonda al mais. Las copulaziuns civilas han lö tanter las 08.00 - 11.00.
Taxas
La procedura da preparaziun sco eir la copulaziun sun suottamissas a taxas. Pro copulaziuns sül Chastè da Tarasp vegnan, sper las taxas ordinarias, inchaschadas implü fr. 400.00 per l'adöver dal local sco eir fr. 50.00 sco taxa d'administraziun. Eir pro copulaziuns illa tuor Ardez vegnan, sper las taxas ordinarias, inchaschadas implü fr. 400.00 per l’adöver dal local da festa o fr. 250.00 per l’adöver da la stüva implü fr. 50.00 sco taxa d’administraziun.
Locals da copulaziun extraordinaris
Chastè da Tarasp
Tuor Ardez
Locals da copulaziun
Zernez
Guarda
Ardez
Tarasp
Scuol
Sent
Valsot
Samnaun
Müstair
Lü
