La regiun Engiadina Bassa/Val Müstair des esser e restar ün lö attractiv da viver, lavurar, abitar e per far vacanzas – quai es il böt, cha’l svilup regiunal perseguitescha in collavuraziun cun interpraisas indigenas, cun organisaziuns ed individuums. Il svilup regiunal spordscha sia contribuziun per ragiundscher quist böt, cun

• coordinar la direcziun strategica da la regiun (process «Agenda 2030»),
• metter intuorn la nouva politica regiunala (NPR) da la confederaziun e dal chantun,
• sustgnair partenaris cun cussagliaziun pro’l sviluppar progets,
• colliar partenaris e promouver cooperaziuns, sco eir
• iniziar il barat regiunal per temas actuals.
•  

 Il svilup regiunal s’ingascha sün basa da la strategia da svilup dal lö regiunala «Agenda 2030 Regiun EBVM».