Premi d’innovaziun

Cul premi d’innovaziun undrescha la regiun Engiadina Bassa/Val Müstair, schi sun avant man correspundentas candidaturas, minch’on üna impraisa, ün proget o ün prodot innovativ. Undrà vegnan iniziativas cun ideas originalas, persistentas chi’s orienteschan culla realisaziun sün potenzials regiunals e genereschan üna nüz a la società. La somma da premi ed dotada cun frs. 3‘000.

 

S’annunzchai pe’l premi d’innovaziun

Il premi d’innovaziun da la regiun Engiadina Bassa/Val Müstair vain manà tras sainza gronds process d’annunzcha. As partecipar pon interpraisas, organisaziuns o persunas singulas sur tuot ils sectur cun ün lö da lavur illa regiun Engiadina Bassa/Val Müstair. La candidatura (max. 1 pagina A4) sto cuntegner:

a: cuorta descripziun da l’interpraisa, dal proget o dal prodot

b: valütaziun dal candidat, co cha’l proget contribuischa a

  • innovaziun,
  • plüvalur,
  • svilup regiunal,
  • persistenza, e
  • nüz da la società.

 

 

Candidaturas sun d’inoltrar tanter ils 1 november e’ls 31 december a la svilupadra regiunala Martina Schalpbach: martina.schlapbach@ebvm.ch

 

Surdatta dal premi

Premiats vegnan nomnats da la suprastanza dal forum Engiadina Bassa/Val Müstair e undrats da la giuria chi as cumpuona dals commembers da la conferenza dals presidents. Il premi vain surdat la prümavaira da l’on seguaint in ün rom festiv.

Contact

Regiun Engiadina Bassa/Val Müstair
Svilup regiunal
Chasa du Parc
CH-7550 Scuol
Telefon: +41 (0) 81 861 00 04
E-Mail: svilupregiunal@ebvm.ch

Impressum