Concept per la politica d'uffants e da giuvenils

Mincha cumün e mincha fracziun viva in ün möd decisiv eir da persunas giuvnas: Dad uffants, giuvenils, creschüts giuvens e famiglias chi abitan e s’ingaschan, giouvan ed imprendan, creschan sü, retuornan e vegnan a viver in nossa regiun. Quista gruppa da la populaziun – actualmaing 1'840 persunas in l’età da 0 fin 24 ons illa Regiun EBVM (31.12.2024) – sta aint il center dal concept per la politica d’uffants e da giuvenils.

Il concept es gnüda elavurà tanter 2024 e 2026 in ün process participativ. Totalmaing s’han partecipats 140 specialistas, genitours e creschüts giuvens sco eir 170 scolaras e scolars da tuot la regiun. Dal process resultescha il concept sco basa per üna politica activa per uffants e giuvenils sün nivel cumünal e regiunal. Il concept spordscha al listess temp ün rom da referenza per tuot las persunas ed instituziuns chi s’engaschan in Engiadina Basssa, illa Val Müstair ed a Samignung per uffants, giuvenils e famiglias. Ün concept cumünaival dess facilitar dad agir in ün möd efficazi ed efficiaint.

Kinder- und jugendpolitisches Konzept Regiun EBVM

Situationsanalyse Kinder- und Jugendpolitik EBVM_Detailversion

Situationsanalyse Kinder- und Jugendpolitik EBVM_Kurzversion

Giuventissima

Sün basa dal concept iniziescha la Regiun EBVM ün parlamaint da giuventüna – e crea cun quai üna plattafuorma chi promouva la colliaziun e partecipaziun da creschüts giuvens in process regiunals. Il parlamaint da giuventüna dess gnir insembel la prüma jada l’utuon 2026 ed es previs sco inscunter annual. Plü blers giuvenils chi’s partecipeschan e plü buna cha l’occurrenza dvainta. Perquai eschna actualmaing in tschercha da persunas giuvnas (ca. 16 fin 30 ons) chi han vöglia da far part activmaing a l’iniziativa « Giuventissima ».

Flyer Giuventissima Parlamaint da giuventüna