Rait da cultura
La diversità culturala determinescha in möd decisiv l’identità regiunala ed es üna valur centrala pel svilup da la regiun EBVM. Co valütisaina plü bain cultura e lavur culturala in nossa regiun? Per discutar quista dumonda invidan il svilup regiunal da la regiun EBVM ed il Parc da natüra Biosfera Val Müstair insembel annualmaing a l’inscunter da la rait cultura illa regiun EBVM. L’inscunter spordscha üna plattafuorma a persunas ed instituziuns activas sül chomp cultural per far la cugnuschentscha tanter d’els, per barattar ideas sco eir per trar a nüz potenzials da coordinaziun e cooperaziun.
Il prossem inscunter ha lö prümavaira 2027. (Detagls seguan)
- Inscunter da la rait culturala illa regiun EBVM 2021
- Inscunter da la rait culturala illa regiun EBVM 2022
- Inscunter da la rait culturala illa regiun EBVM 2023
- Inscunter da la rait culturala illa Regiun EBVM 2024
- Scumpart rait da cultura Regiun EBVM
Profil regiunal da la cultura Engiadina Bassa/Val Müstair
Il profil regiunal cumpilescha il savair davart la cultura materiala ed immateriala sco eir davart la lavur culturala actuala, muossa sü potenzias da svilup e stima la relevanza turistica dals bains culturals. Uschea spordscha il profil ad acturs dal turissem, da la cultura e dal svilup regiunal üna basa fundada da savair e da lavur. Il profil regiunal es gnü elavurà 2025/26 dal Institut per la perscrutaziun da la cultura grischuna in cooperaziun cun graubünden Cultura per incumbenza da la Regiun EBVM e la TESSVM.