La Regiun EBVM collavurescha aint i’l rom dal program Interreg Italia-Svizra cullas regiuns cunfinantas, il Tirol e’l Tirol dal Süd (Terra Raetica) sco eir la Lumbardia. Progets gronds (cun ün büdschet total da Fr. 200'000 e plü) as poja inoltrar in occasiun da la publicaziun ufficiala.

I’l rom da la Terra Raetica collavureschan las trais regiuns cunfinantas – il Tirol, il Tirol dal Süd e la Regiun EBVM – daspö il 2007 insembel. Progets pitschens (cun ün büdschet total fin ca. Fr. 200'000) sün gnüdas realisadas fin uossa unicamaing sün basa dal program Interreg Italia-Austria culla Regiun EBVM sco parteneri associà. A partir dal 2025 spordscha eir il program Interreg Italia-Svizra la pussibilità da realisar progets pitschens illa Terra Raetica. Cun quai pon per la prüma jada eir partenaris da la Regiun EBVM iniziar ed implementar progets pitschens sur cunfins in üna funcziun principala. La documainta pell’inoltraziun da progets as chatta quia. Il team dal svilup regiunal As sta gugent a disposiziun cun cussagliaziun.  

• Survista progets pitschens Terra Raetica